غـ ـ ـمـ ـ ـضـ ـ ـيـ ـ ـنـ ـ ـي

غمظيني في غرامك ثم نامي بالمحبه

وأجمعيني بين جفنك وأتركيني تحت رمشك

غربليني عن زماني وأبعدي بالوصل قربه

علميني كيف أشوفك جالسه بالحب عرشك

وأحضني من هو يموتك شايل باليد قلبه

لجل وجهك والله أني بدفنه في وسط نعشك

عاقلٍ عاش الجنون وجاب فكره ثم شبه

شاف وقت غير وقته بين عشه وبين عشك

كيف بلقى لك مشاعر وأيش أنقي بوسط غبه

يمكن أوصل بالتفاضل لا وربي ما أغشك

الشعر صنعه ومثلك حيل عالي فوق قبه

لو بجيب الشعر عندك ثم فوق المتن أرشك

بك تبخر من خجلها وأمتلابك سقف صبه

كلها دخان شعري وأن بكاك الوصف مشك

جادله تسلب غرامي سلوتي بالضيق لعبه

فاتنه تسرق حياتي حتى قلبي صار هشك

وأن مشينا للنهايه في الشعر والحب دربه

أفتحي للشاعر ألي واقفٍ يبغى يدشك

قصيده في قمة الروعه

يعطيك العافيه

كل بيت قصيده لوحده

صح لسانك