الغريب الجااااااااااااااي******

السلام عليكم ورحمة الله وبركاته ::

بديت اللحـون السامريـة وأنـا مبـداي

يراعـي تقالـيـد الـرجـال ومباديـهـا

وأنا لي ثلاث سنين كوعي علـى مركـاي

دروب المحـبـة معتزلـهـا ولا أبيـهـا

عن الجمة العذبة صدرت وطويت رشـاي

هناهـا عـذاب ويخلـف المـر حاليهـا

وحرب الهوا عيدت فيهـا علـى منجـاي

وقنعـت منهـا قلبـي وبعـت شاريـهـا

لكن ليتني عصر الثلاثاء ما سقت اخطـاي

على ديرة ٍ غنـى لـي الشـوق قمريهـا

سحابة غرام ٍ هلت الوبـل فـوق حمـاي

تدانـت وأنـا والله مـا نـي بدانيـهـا

جرف سيلها قلبي وعودت فـي مضـواي

أهادي بساقـي سكـة الـدرب وأخطيهـا

هنوف ٍ على القلب أوعزت وأيقظت ملهاي

ودكـت حصـون الذكريـات ومبانيـهـا

بخرس العيون اللـي بهـا علتـي ودواي

وهايـف حشاهـا وإستواهـا ونابيـهـا

تذكـرت يـوم إنهـا بالإقبـال والإقفـاي

تجـر المياسـم فـوق كبـدي وتكويهـا

بعدها المفارق علتي والوصـل مشهـاي

وياسنـة العشـاق مــدري طواريـهـا

حدتني ذعاذيـع المحبـة علـى مسـراي

على دروب ٍ أولها مـا يوصلـك تاليهـا

دوارس خبوت العشق جرد ٍ بعد ممشـاي

أجـوب بسهلهـا والمراقيـب أعديـهـا

الاحي حمام الورق وأطرب لصوت النـاي

والأفراح عنـي لاهـب الوجـد حاديهـا

الامل في حياتي مثل طاري الغريب الجاي

ولا جاء وجتني ضيقـة ٍ قمـت أناجيهـا

هقيت وبغيت ولا احتملت ووصلت أقصاي

وسابـق غرامـي حظهـا قيـد يديـهـا

أعـدل وأبـدل علـم وارد رأي بــرأي

ولاتحـرق الملـة سـوا رجـل واطيهـا

فؤادي نصحتـه لايشمـت علـي عـداي

ولكـن مـن لــه عــادة ٍ مايخليـهـا

يامرحبا يابو نايف الله يحييك وياسلام على هذا القصيد صح لسانك ونرغب بالمزيد

عدد المساهمات : 4 تاريخ التسجيل : 07/01/2010

صح لسانك يابونايف ولاهنت على النقل الرائع

صح لسانك ياولدنايف وننتظرجديدك ياالشاعرالراقي لان شعرك من نوع السهل الممتنع