الشاعره ام سالم ترثي الحضر والباديه

هذي قصيده كتبتها الشاعره ام سالم ترثي فيها الحضر والباديه

ريت الحضاره بطلن الشجاعات

ولا عاد يطرى للشجاعه منادي

كبو الدلال وبدلوها بخلفات

تلاجه فيه نصيف وكادي

والنجر ما يعرف يقع في المحلات

وان كان موجود فلا له مرادي

وان حان وقت الاكل ما به دجاجات

من غيرها ما كن بالبيت زادي

كثرة لحوم الناس من غير صحات

وكثرة لحوم الناس والحيل بادي

ونقول حنا اهل العلوم العجيبات

وذي الحضاره وانت يا عود غادي

مدري تشوقك الحياه الشقيات

وكل يوماً نازل لك بوادي

والا تشوقك العدود البعيدات

وتجر دلوك لين تشكي الفوادي

ردها

والله جاري ما شكى من تحسات

وان كان مرت ما رقبها تزادي

دور قطيراً غير وأرض جديدات

ويختار في الجيران ربعاً عوادي

ويختار ربعاً ينطحون الصعوبات

ويختار ربعاً ياخذون القوادي

واحنا المعيشه عندنا در خلفات

بر البلد والسمن فوقه يزادي

وشبابناً ما خربته القنوات

وشبابنا ما كثروا في الرقادي

لا جاء صلاة الفجر ناضوا بهمات

ويقول يا لبيه يا ذا المنادي

ورجالكم هموا بجمع الريالات

وصدورهم راحت سيولاً حشادي

ليت الاصاله تنشرى بالريالات

واختارها لو هي علينا تكادي

قصيدة جزلة من ام سالم الله يحفظها وصح لسانها ولها قصيدة مجاراة لقصيدة حمدة اللي تقول فيها

يالله يامعطي العطايا بلامن
ياغافر الزلات جالي الهمومِ
ياليت تنزلها ياأخ قناص اذا تعرفها وشكرا جزيلا لك .