قصيدة بن دليم موجهة للشيخ بن عليبي رحمهم الله جميعا

قصيدة للشاعر هلال بن دليم رحمه الله وموجهه للشيخ ابن عليبي شيخ الهجاهجـــة رحمه الله

يالله ياللـي طالبـك مـا يخيبـي
ربٍ ليا منّه عطى الرزق وهّـاب
يا قايدٍ حبـل الرجـا والنصيبـي
لو صك عنا باب عندك مية بـاب
يا مرحبا برسالـةٍ مـن صحيبـي
الصاحب اللي ما نبدّله بأصحـاب
سعد الرفيق وسقم عين الحريبـي
حلّال صعبات الدعاوي والانشـاب
قيـدوم قيـفٍ فاللقـا مـا يغيبـي
دعوى (حمارس) يوم للحرب شباب
قيفٍ لهـم قالـة وشـورٍ صليبـي
تعرف مواقفهم على خيل ورْكـاب
لباس أبو منصور جعلـه يطيبـي
شيخٍ ولد شيخٍ على ساس وانسـاب
جعلك لنا موجـود يابـو عليبـي
لو غاب نجم سهيل فالجدي ما غاب
حنا لكم ربـعٍ وصلْـبٍ صليبـي
قالاتنا وحـده وخـلاّن واقـراب
والشيخ ابن طاحوس جالك نسيبـي
انتم شيوخٍ مثل أبو زيـد وذيـاب
تكفى يابو منصـور خلـك لبيبـي
ابعد نظرك وحط للعاري اسـلاب
لا تطاوع اللي رميته مـا تصيبـي
ولا تسمع اللي فالمناعيـر شـذاب
من شذ منهم لزْم يرجع غصيبـي
إن طاب له والا على غير ما طاب
هذا كلام اللـي لصوتـك يجيبـي
لك رفقةٍ يا شيخ نحسب لها حْساب
لو كان لي حقٍ عليكـم مصيبـي
مسموح ما نأخذ على مثلك عْتـاب
وصلاة ربي عـد نبـتٍ خصيبـي
على محمد عد مـا خـط بكتـاب

Admin عدد المساهمات : 304 تاريخ التسجيل : 10/12/2009

القصيد جزله وتنومس وقايلها كفو والمقصود الله يرحمه يستاهلها وناقلها كفو والله يبيض وجهك

ماعليك زود ،،، وتشرفت بمرورك