ابو علاج وعايض بن نايف وابن ثايب وابن هندي

ابو علاج
عايض بن نايف الرفاعي


وابن ثايب
وابن هندي


يقول ابو علاج:


ابن مرفاع بنك ٍ غير كل البنوك


بنك مال وجمال وشيمة ٍ نادرة


ما تجي غير في راس الكريم الشجاع


منجازات وفروع ٍ في جميع الديار


إفتحت منجزاته له مشاريع دولة


شركته ما يعد الا مشاريعها


عايض الرفاعي:


صور صور ما شاف الندم من بنوك


رد وجهك لنا يا فلان والنّادره


والذي جاع ما ننشد عنه ليش جاع


حتى لو الزمن خذ لفة ٍ والديار


تاجر السوق طلاب المشاري عدوله


والدير مبعد الخطوة مشى ريعها


ابن ثايب:


جارك الله وجاره من جميع الصكوك


بادرة حسمنية ويش من بادرة


زادك الله وزاد آخي سمو ارتفاع


ابن مرفاع رحب حشمة ٍ وإقتدار


وآخر الليل با نعطيك كأس البطولة


في مشات الدير ولا مرابيعها


ابن هندي:


اجتمعنا وعاطونا جميع الصكوك


بادر اللي يكن الك الغلا بادرة


اختفى وارد اليابان والفرت فاع


هكذا دارت الايام والوقت دار


قبل ما نحسب الميدان عرضة بطولة


ما يقر البيوت الا مرابيعها


ابو علاج :


يا بن مرفاع عشت وقلت لك عاش بوك


يا بن حر ٍ على روؤس العلا ماكره


يا كريم السبال ويا طويل الذراع


كل من سمع بالدعوى تعنى وزار


والجهاز الذي يعلن ولاني بحوله


كلمته لاتسمعها ولاذيعها


عايض الرفاعي:


يابن هندي نرا في سد منعا شبوك


ماكره صاحبك بعض الحكم ماكره


الله اللي ستر جسمك بضاف الذراع


لاتطوف الحرم ولا تشد الوزار


والذي وده يسيطر علينا بحوله


قدمه النار شبتها ولا ذيعها



ابن ثايب:


تحسب ٍ مويت الباحه مثل ماتوبك


امسح الرقم والاسماء من الذاكره


انت تحتك حتى في عمود الشراع


لاتطيرون حد الطايره فالمطار


لا يعود السمكري يلعبه فالطفوله


السلع شفتها كثرت تناويعها



ابن هندي:


ان شاء الله ياسميي مابعد ماتبوك


لجل يعطيك شرح الدرس وذاكره


لاتقل راع راع المكر والغش راع


وشبلا الطير في المقناص عيا ما طار


ارفقو بالذي يبغا الرفق والطفوله


الذيابه متا كثرة تناويعها


ابوعلاج:


اصبر اليا وطت رجلك على حر شوك


حفلت اليوم ماهي حفلت الباقره


مانربي ذليل ولا نربي رعاع


والحقايق حقايق ماعلاها غبار


عاش من هو يشل السيف واحيا نقوله


وكبار القوم لزمتها ترابيعها


عايض الرفاعي :


حتى لوكان بعض اصحابنا حرشوك


تنتهي لا قرينا سورة الباقرة


ويش بصورك يميل ويترعرع رعاع


المثل قال راع العلم لا راغ بار


علم ٍ احيان اجنب عنه واحيان اقوله


بيعها مادام ان ودك ترى بيعها


ابن ثايب:


لا تحسب ان عقالم مثل تاج الملوك


خل مدح السلع فالحاضرة ناظرة


انا ما اسوم شي ٍ خابره ما يباع


فكر تشوف حن في ليل ةلا نهار


خف يابر تنقل ويش هذا الحمولة


مر الافلاج واشرب من ينابيعها


ابن هندي:


انتبه تقطع آمال العرب لا املوك


ناظر الدرب في مسرى العتش ناظرة


الضوامي نوردها لعد ٍ نباع


شربة ٍ من عدود وشربة ٍ من نهار


يالاجاويد يالاجواد يابن الحمولة


سلعةٍ جاتني صدفة وين ابيعها


ابو علاج:


الرياجيل من ضرب الركد داوخوك


ما ابي اعكس عليك الكلمة القاهرة


ما يعيب النيامس غير كبر اليراع


واكثر الناس لو يوكل على الملك بار


منهل العذب صاحين العرب شرعوله


راقب اهل العلا واطلع مطاليعها


عايض الرفاعي:


قبل تصرف علاجك للعرب داو اخوك


هو مع اهل المنامة وانت في القاهرة


ابن هندي توالي الليل اخافه يراع


ولا احد يستغرب علوم الوفا من الكبار


سدنا الله في مخطي وفي شر عوله


والقصايد تميز من مطاليعها


وهناك قيفان اجمل واجمل


وسلامتكم جميييييييييييييييييع