الشاعر دوخي بن ذويخ

هذه القصيدة للشاعر::دوخي بن ذويخ الرفاعي الغامدي
اتنمنى ان تنال إعجابكم

الا يالله ياللـي مدتـه مـا مثلـهـا مــدات====عطايا تغنـي المحتـاج لا منّـك نويـت بهـا

تعاونـي وتغفـر زلتـي يـا غافـر الـزلات====ليا حيسب لساني بالهـروج اللـي يـزل بهـا

وتسامحني بما قدمـت للحييـن واللـي مـات====أنا احسبها عجب ومـزوح والامـلاك تكتبهـا

ليا حانت وفاتي رب تمحى الذنـب والسيـات====وثبّت منزلـي فـي حفـرة تركـز نصايبهـا

دريت الأجل غلق وانتهى ما عاد بـه مهـلات====ولا منجى ولا ملجـا لـروحٍ وانـت قاضبهـا

طلبتك يا كريم بقدرتـك تكتـب لهـا الجنـات====ولا كبرت مصيبـة غيرهـا هـوّن مصايبهـا

بغير أمر من الله ما معـي حيلـه ولا حيـلات====طلبتك يـا بديـع الكـون روحـي لا تعذبهـا

الا يالله تقبـل دعوتـي يـا قابـل الدعـوات====هقيت برحمتك جعـل الهقـاوي مـا تخيبهـا

وتسترني بسترك لا تفـرّح فأمـري الشمـات====ضعيف النفس يفرح بالعلوم اللـي يذيـع بهـا

انا لا جا توالي الليل خذت من القصيد أبيـات====اعـذّل بـه علـى عيـن قريبـاتٍ حرايبهـا

تحرّق موقها لو كان ما تاصـل لهـا عبـرات====ولا قالوا علامك قلـت مـدري وش سبايبهـا

وأنا عارف سببها من هل التفريـق والنمـات====من الناس البعيد وبعض نـاسٍ مـن قرايبهـا

من ضعاف النفوس اللي تبي العالم تروح شتات====مقاريـدٍ مـن النعـمـه مملّـيـة لبايبـهـا

وليا فكرت فيهـم مابهـم غيـره ولا شيمـات====تهرّج في عروض الناس حاضرهـا وغايبهـا

لو إن اللي ينافـق بينهـم يعطونـه انـذرات====وليا منّه تعودهـا مشـوا لـه فـي نشايبهـا

ارب الشمل يسلم ويتخلص من هـل العثـرات====تعـود بيـن روس القـوم جاهلهـا وشايبهـا

وشيخ الشمل يعرفهم ليا من جالهـم حاجـات====ترى ناس بهذا الوصف مـا تقضـى مطالبهـا

انا حبيت أقوله ما ابغي آقف موقف الشبهـات====ابي كل الوجيه البيض تبقـى فـي مناصبهـا

على ريعٍ جميل ويردع العايـل عـن العيـلات====ليا جت من غشـومٍ مـا توطيهـا ضرايبهـا

عسى رجـل يغيـر موقفـه ويـدور الغـرات====ليا قاموا ربوعـه باللـوازم مـا يقـوم بهـا

يسوي فالمشله عـود ويـدور هـل الفـلات====عسى عينه يجي فيها هزوم ولا يشـوف بهـا

يجي له مثل ما جا لأبيض الدفه من الحمـلات====يدينـه تخطـي الماطـى ورجلينـه يسحبهـا

يدور صحبته يوم الرخـوم تضيـع الصحبـات====ترى صحبة قلال الدين محـدن يستعـز بهـا

يحدونه على ريع المتالـف لا خـذوا شـلات====سواة الخاينه يوم استغـارت مـن صحايبهـا

وانا يا عايض اباوصيك لي نيه ولـي هقـوات====عسى دروب المراجل بيـن ربعـك ماتجنبهـا

اباوصيك فالتقـوى وفالعفـه وفـي الصينـات====ترى نفس الفتى لا صانهـا يلقـى مكاسبهـا

وصل فروضك اللي من جليل الملك مكتوبـات====وسجل ركعتينٍ في توالـي الليـل صـل بهـا

ولا تقضي حياتك بالتكبر مـع هـل الغفـلات====وحاسبك نفسك قدام الحساب اللـي يحاسبهـا

وبر الوالدين اللـي غـذوك وبـادروا بغـذاك====ابوك ارهى الطلب وامك تشيلك فـي مناكبهـا

يحبونك ويرضونك بساير حشمتـك ورضـاك====عسى تشرح ضماير بـوك وأمـك ماتعاتبهـا

وحق الجار قم به لان حق الجار لـه ميـزات====غـلاه وحشمتـه وأمـا حـدوده لا تقربـهـا

ترى العالم تهرج فيك لا من كبـرت الضـالات====احد يبغـاك طيـب واحـد سمعاتـك يجربهـا

وحق الضيف قم به كاملٍ واحذر من البخـلات====ترى البخلات تصبح رقمة في وجـه صاحبهـا

ليا كمّلت ماجوبك بضحـك ووضـحٍ عجـلات====وفيت ولا هفيت وكـل جزلـه يستحـق بهـا

وللعانـي حقـوق مـا تخليهـا هـل العـادات====رفيعيـن النفـوس اللـي تشرفهـا مذاهبهـا

وبادر بطلبه ما دامت اقدامـك علـى العـدلات====بعض النـاس يحسبهـا بديعـه ويتصاعبهـا

ليا كملت ماجوبـه بطيبـة نفـس وبحشمـات====ترى فيها صله من عنـد رب البيـت كاتبهـا

وضم المرجله وقت الطلب تلقـى لهـا نفعـات====ترى فيها معونه عنـد مـن يظهـر مواجبهـا

وما حصلت تقنع به ولا تحزن على اللي فـات====ولا نفقتها عـن كـل معسـر لا تشـح بهـا

وخلك طيب النيـه بعيـد عـن هـل السبـات====صريح مع شيوخ القـوم لا شـدت عصايبهـا

ورفيقك لا تطاوع فيه من يرضى له الهزعـات====ولو جـا منـه غلطـه زل عنهـا لا تحسبهـا

ان كانه طيب بيحمى الشرع ويعـدل الغلطـات====وان كانه خبل فالشجعـان ماخلـت صوايبهـا

وسـدك لا تعلـم بـه ردي ينقـل الغيضـات====ليـا منـه مـلا بطنـه علومـه مـا يعربهـا

وليا صاحبت صاحب ناس مابعروضهم خـلات====صناديـح النمـور اللـي تعشيهـا مخالبـهـا

ترى ساس النماره ما تحصلها يقـع صدفـات====ولا حصلتهـا تلقـى العلامـه فـي شواربهـا

وتبعّد عن قرين السو وابعد عن هل الهفـوات====ترى تخـرب الموضـوع والسمعـه تخربهـا

يقولون انت ريّسنا ليـا مـن زادت الغـارات====يخدعونك بهـا وأكثـر بلاهـا فـي مزاهبهـا

ولا تتبع طريق الهون لو قرّب لـك المبيـات====وعانـق بالشقـا لا ذاقـت الراحـه ربايبهـا

الا يالله فـي نـو يجـي لـه بـرّق عجـلات====مزونه فالبحـر ينهـل ماهـا مـن سحايبهـا

نصوبه فالبحر مثل الجبـال العـارض الثبّـات====بقدرة من خلقها مـا تزعـزع مـن مناشبهـا

يسقّي الديره اللـي كنّهـا بالنـار مشبوبـات====تروع اللي يسيّـر حولهـا والوقـت حاربهـا

عطا من عند رب البيت من مداتـه الجـزلات====على كل البلاد ومملكتنـا اللـي نعيـش بهـا

وختام القـول يالله تغفـر الـزلات والسيـات====وصلاه على النبي تبلغ مية مليـون حاسبهـا

والله قصيدة قيمه والف شكر ابو عبدالعزيز

» قصيدة حصرية للشاعر دوخي بن ذويخ
» دوخي بن ذويخ و عبدالله بن جهيط ( قديم جدا )
» قصيدة للشاعر دوخي بن ذويخ الرفاعي الغامدي
» الشاعر هملان بن ذويخ الرفاعي
» نستبيح العذر / قصيدة الشاعر دوخي بن ذويــــخ .