مساجلة شعرية

موضوع: مساجلة شعرية الأحد فبراير 28, 2010 2:15 pm

مساجلة بين الشاعر محمد بن ناصر القنيزعي الغامدي من أهل جرب والشاعر عبدالله السبيعي من أهل العفيرية

يقول القنيزعي :

وينك يابو خالد نبي منــك لـخبـار ** عطنا علومــك بعد مسك الـخفاره
يومنــك تأخذ فالـهواجيس مشـوار ** وتبــني من الـهاجوس قصر وعماره
ترى زمانك يــبن لـجواد غــدار ** لو هو صفالك يـوم ثــور غبـاره
والـجار ما يخــفي علومه على الجار ** وجارٍ يضــر الـجار قربه خسـاره
هذا كلام اللي تـهيض بالشـــعار ** ومن الزمن ذاق الـحلاء والـمـرارة
ونتم سبيع اللــي بعيدين لنظـــار ** حريبــكم يبطي عطيـب الــجباره
وأنا من غامـد الـى صـار ما صار ** نأخذ على العدوان صــوله وغــاره
ونتم على العـايل كثيـرين لشــرار ** سهامكم تشـرب بفـن وشطـــاره
وأنا على قنص الـمعاديـن شطـــار ** من طاح بيــدينا صعيـبٍ فــراره
ونتــم كرمكم ذكر فـي كل لقـطار ** شحـــم مع بــّنٍ يـزود بـهاره
وخـتامها مـني تـحــيات وزهـار ** عدت سحــاب الصيف لنشت مطاره

رد السبيــــــــعي :

أنا قـريب العقـل والفــكر والـدار ** لامـن حـداك الوقت عطـني الاشاره
اسرح وسج وعنــك ماتغـيب لفكار ** ومن ســج عن جاره حياته خـساره
أرقا سنود ولو بــك الوقت جـوار ** ابــشر بعـز وبـن جنب الـمـناره
هذا بعــض ما حـلل الله للـجـار ** ومن غيـرها رميـن تعــدا عيـاره
عاداتــنا دوس الـخطر دس وجهار ** وعاداتــكم كسب الـمهار بشطاره
وعاداتنا نصــب الكرم بـمقدم الدار ** وعاداتكم بـيع البخل بالـخســاره
وعـاداتنــا ماننهـزع دوم لضــار ** وعاداتكم ذبـح الشيــوخ بـمهاره
وعاداتــنا تبديـل جارٍ بـدل جـار ** لاجار جور الـجار عــن جدر داره
وعاداتــكم ستـر الزلل دق وجبـار ** ستر الرفيــق ولطـم من داس عاره
حنا سبـيع مفــرجة كل مـحـتار ** عـزٍ علــى عـزٍ متينـن قــراره
نضرب على زر الخــطر ضرب لقدار ** كم صبح قــومٍ مانبـلج من غبـاره
ونتم بني غامـد وفييـــن لشــبار ** درع الصدور ليا قبسـت بالشــراره
وصلاة ربـي عــد ما مر بــالـدار ** جوز الحمام وعشــشوا بالقــراره
على النــبي موصي الـجار بالـجار ** شفيعـنا يوم الـحشــر والـحراره

الله يعطيك العافيه

Admin عدد المساهمات : 304 تاريخ التسجيل : 10/12/2009

طيبة علوم رجال الله يبيض وجهك