بن جهيط في وصف الرجال

هيّض عليّه مرقبٍ عدّيـت بـه
يـوم الفيايـا جالـهـا مـيّـال
لجت ضلوعي بالمعرفه وجاوبت
لجّة سباعٍ في حضـون جبـال
وصفت من بعض الرجال معاني
فيهـم بليهـيّ وسيـع الـبـال
وفيهم صموتٍ عاقلٍ مع ربعـه
وليا اشروا له يعرف المجـدال
وفيهم خـزاةٍ دعلـةٍ لا تهـرج
دايم وهو جوف النحور خـلال
ليا اقبلوا ربعـه يديـرون بيتـه
كثّـم وسـوّى للـردى مجـال
حتّـاه يثعاهـم وينثـر شدهـم
ويروح في جالٍ وهم في جـال
ما يدري ان الروح تاليها الفنـا
ولو طال لـزْم يجيبـه الـزوال
وانا اشهد ان الخبل ما منه فايده
لو كان يلبـس غتـرةٍ وعقـال
يجيب حجّات الردى من قعورها
وعلـى رفيقـه دايـمٍ حــوال
واما ليا جت من بعيد وناحـرت
قفّـى بفايدتـه وراس الـمـال
الله يغني عنه لـو جـا مكربـه
لو كان ما عن الرفيـق مجـال
قد قـال الاول سالفـه مطريـه
لولا رجالٍ مـا يحـج رجـال
لا صار ما هو في حياته بنافـع
لا مات محدن يضمن الاعمـال

واما ليا جت من بعيد وناحـرت
قفّـى بفايدتـه وراس الـمـال

رحمك الله يابو نايف
الله يغني عنه لـو جـا مكربـه
لو كان ما عن الرفيـق مجـال
قد قـال الاول سالفـه مطريـه
لولا رجالٍ مـا يحـج رجـال
لا صار ما هو في حياته بنافـع
لا مات محدن يضمن الاعمـال

حكم وكلام رجل عارف

شاعر علم ترك لنا شعرا اصيلا يكتب من ذهب

الله يرحمه ويعفو عنه

لاهنت يالسيف الله يعطيك الف عافية

ونحن في انتظار المزيد

اخووووووك

» عبدالله بن جهيط وحمدان الحارثي
» دوخي بن ذويخ و عبدالله بن جهيط ( قديم جدا )
» عرضة عبد الله بن جهيط ومصلح بن عياد
» عبدالله بن جهيط ( الله يبيح منه ويجعله في الجنة ) ورشيد الزلامي
» الشاعر عبد الله بن جهيط رحمه الله