يمه يفدونك اللي على الأرض يمشون

صباحكم / مسائكم ورد

كيفكم ان شاء الله بخير

قرأت القصيده وعجبتني حييييييل لانها عن الأم

والأم مهما قلنا عنها ووصفناها مانوفيهاا حقهااا

لكن هذي القصيده من الممكن انهااا تعبر عن شوي عن اللي بدواخلنا لأمهاتنااا

اترككم مع القصيده

يمه ترى ماباقـي شـيء بالكـون
عندي يساوي دمعتـك يـوم تبكيـن

يمه يفدونك اللي على الأرض يمشون
يفدون دمعك وان تحدر مـن العيـن

يامدرسة عمري لك العمر مرهـون
لآخر دقيقـة فـي حياتـي تمونيـن

ياما تحملتي علـى شانـي ظنـون
وياما ندهتيني وانـا فيـك مفتـون

وياما سمعت اسمي بصوتك تناديـن
وياما حضنتيني وانـا طفـل امـون

وياما سهرتي ليل عنـدي تنوحيـن
وياما ذرفتي دمعتـك حـب وجنـون

خوف علي من الخطر يـوم تدعيـن
يمه تراك أغلى مـن اللـي يحبـون

وأغلى على روحي من أغلى المحبين
الله يقدرنـي علـى كـل مسـنـون

وأوفيك حقك قبـل عنـي تروحيـن
ليت الزمن دايم على كيفـي يكـون

كل الحيـاة ومابهـا لجلـك تهـون
ماعادلت عندي من أظفـارك اثنيـن

لكم ودي

قصيدة رائـــــعة جداً

كيف وهي تتكلم عن الام اغلى انسانة

ومهما قلنا عن الوالدين اكيد مارح نوفيهم حقهم يارب تخليهم لنا وترزقنا برهم آميييييين

اشكرك محبة على مواضيعك الجميلة

دمتي في حفظ الرحمن

تسلميييييين
تشرفت بمرورك

مشكورة يامحبة مشاركات مستمرة وقيمة وبدون مجاملة اذا غبتي يوم يصبح لك فراغ واضح ومؤثر لذلك لاتحرمينا ياحبيبتي ولاتتأخرين علينا

بعض العرب لاغاب ماشحني والبعض لا غاب يفقد مكانه

تسلمين لي يالغالية

مشكورة ياعمري

وتعرفين أنا ماأتأخر عن المنتدى إلا ويكون عندي شغل الله لايشغلنا إلا في طاعته

» تعالوا شوفوا صور لخسف منطقة من الأرض 00
» اللي ماله حظ يستريح
» اللي ما يعرف الصقر يشويه
» اللي مااعرسن ولاتوظفن تعـــــــــالوا
» اللي تبغى تضحك تدخل