قصائد منتقاة لحجاب بن حيت

الشاعر حجاب بن حيت من رواد الشعر العذب الجميل وقد اخترت لكم بعض القصائد المختارة التي احبها وتعجبني عساها تعجبكم

يابوي انا طال انتظاري ومليت
صبري نفذ ما باقي الا قليله

صبرت يابوي وتحريت ماابطيت
والخالق ارجي رحمته واشتكيله

حبيت بنت العم يابوي حبيت
من قبل ماتربط على الراس شيله

ذكره على بالي ايلا اقبلت واقفيت
ارعى خياله كل يوم وليله

لاتحسبني داله يوم غنيت
اضحك مع العالم وروحي عليله

بينت لك شكواي وابديت ماخفيت
وابيك تجهدلي باية وسيله

ماعاد ينفع دوى لو تداويت
والامر لله مامع العبد حيله

بئس الحياة اللي بها ماتهنيت
اعيش عمر مارضيت بحصيله

الله على جمع ثلاث لها صيت
الدين والدنيا وبنت جميلة

ويقول في قصيدة اخرى

قلبي تعلق مع فتاة سعوديه

شكله مناسبني وطوله على طولي

انا لا لمح لي بالكرى زولها هيه
قمت اتلمس احسبه قاعده حولي

وطار الكرى واصبح وانا افرك ايديه
تقل مقاول للسهر عنه مسؤولي

ما ياصله مني كتابٍ وبرقيه
وعشرين مره بالفشل عاد مرسولي

واسمه وعنوانه مواضيع مخفيه
ما دامتي ما مت خلوه مجهولي

وان مت اللي تطلبون الاخباريه
هاتوا شناطي وافتحوا كل مقفولي

تلقون كلش حافظه واطلبوا ديه
ديتي من المحبوب يسمح ويدعولي

على صوبهم تسرع بي اقدام رجليه
كني بحبل ارباط والحبل متلولي

والكبد من حب اريش العين مكويه
والحب له مع طول الايام مفعولي

والحب يا اهل دعوىً سماويه
وان كنت مخطي يا اهل العرف قولوالي

ويقول

تسلم علي بكفٍ الين من الديباج
يا بخت كفي يوم لمست اياديها
ا
وتعرض بخدٍ ما بعد لمسه المكياج
عسى الله يسترها وعسى الله يعافيها
ا
تمايل بجسمٍ ينطوي كنه الكرباج
تذوب القلوب العاشقه من تثنيها

اجامل معه اضحك وانا داري اني داج
ومحتار بالدعوه اقوله او اخفيها

اخاف ان شرحت الوضع يحدث معاه ازعاج
علشان هذا ساكتٍ تقل ما ابيها

علشانها خليت الاعمال والانتاج
وصرت اعمل الاشعار فيها واغنيها

وحاولت اتعالج ولكن منين اعلاج
وهل للمحبه من اطباءاً تداويها؟

تداورد على قلبي بشكل افواج
همومٍ تبعدها واخرى تدنيها

من ابها الى عرعر لجده الى الافلاج
ادور الكرى واقول بلكي ألاقيها

ويقول في رائعته المشهورة عشر سنين

•يقول حجاب يا ربي تعينه
عشر سنين حبك مبتلينا

فاول عام نلعب مع بعضنا
ا نحسب الحب مزح ولا درينا

وثاني عام عرفت الحب ماهو
وصرت احبها حباً يقينا

وثالث عام ويلي دونه جدوى
ملكني حبها عبدا امينا

ورابع عام بني بيته بقلبي
واثر السنه وتوالى الانينا

وخامس عام حبه صار شغلي
ملك عقلي وقلبي واليدينا

وسادس عام اطلعته على امري
لعله يرحم القلب الحزينا

وسابع عام عني خبئوها
وصار الجو متغير علينا

وثامن عام حاولت التخلي
عن الحب وطريق العاشقينا

وتاسع عام ترقد يا حبيبي
وانا والعود لأجلك ساهرينا

وعاشر عام اسف باح سدي
وألفت اغنيه عشر السنينا
[/size]

استودعكم الله وارجوا تلاقي استحسانكم ودمتم
.

يعطيك العافية

الف شكر أخوي الخيال

الصقرالرفاعي كتب:: يعطيك العافية

مشكور اخوي صقر لاهنت على مرورك

@المبدع@ كتب:: الف شكر أخوي الخيال

مشكووور يامبدع تواصلك اسعدني

Admin عدد المساهمات : 304 تاريخ التسجيل : 10/12/2009

قصايد عذبه

ولك مني خالص الشكر والتقدير

» قصائد غامد في الأبل