شهاب رفاعي مميز
عدد المساهمات : 40 تاريخ التسجيل : 14/01/2010
| موضوع: تلعب على الحبلين الأحد يناير 17, 2010 8:47 am | |
| علـمٍ لفانـي دون غايـه ومقصـود
اشغل فكـر راسـي وعكـر مزاجـه
اشوف في عرض السماء برق ورعود
وانا على انظري سـوات العجاجـه
واقوم واجلس وامشي شوي واعـود
واسوق رجلي سوق مسرع الحاجـه
واحس في صدري جمر نـار ووقـود
واحس كن الكـون ضـاع ابتهاجـه
من سبت اللي بينـي وبينـه عهـود
يـوم المحبـه والغـلا والمـواجـه
حب الشرف مافيـه نقـص ولا زود
نعوم فـي بحـر الهـوى بندماجـه
اسهـر انـا ويـاه والعالـم رقـود
ليـن الفجـر يقبـل علـي انبلاجـه
واليوم لاوالله تـرى العلـم موكـود
كـلٍ عقـب هاليـوم يلقـا خراجـه
لأن قلبـك مابـه انسـان مـحـدود
كلٍ تبـي تهـواه وترغـب زواجـه
تلعب على الحبلين والحبـل معقـود
والماء الحلو ماتعرفه مـن هماجـه
قطعـت حبـلٍ بيننـا كـان ممـدود
نسيـت كـل اللـي بنينـا سياجـه
أيام راحـت كلهـا سهـود ومهـود
واليوم عنـدي مثـل تمـرٍ خماجـه
دنيـا تقلـب مالقينـا بهـا فــود
مـرٍ تزيـن ومـر فيهـا انعواجـه
تبدلـت أيامـك البيـض بالـسـود
رح ياعسى دربـك يزيـن انفراجـه
من يطرد المقفيـن عيـبٍ ومنقـود
حتى لو ان الجـرح صعـبٍ علاجـه
لاتحسبنـك داخـل القلـب موجـود
خلاص حبك مـات واظلـم سراجـه
عـدك قـراح وكـم تمنـاه مـارود
وانـت الـذي تبغـاه يازيـن ناجـه
بس انتبه لايصبـح الحبـل مشـدود
شخـصٍ تحبـه لاتسبـب ازعاجـه
عليك باللي يفعـل الطيـب والجـود
لاجوه ربعه قـام يضحـك حجاجـه
والا الردي بيـن الرياجيـل مجحـود
لـو زان هرجـه خابرينـه دجاجـه
اللاش ولد اللاش لـو شـال بـارود
لاجاء اللقـاء قـام يتزايـد خجاجـه
وان جيت بيته دايم البـاب مـردود
يعنـي حياتـه كلبـوهـا سمـاجـه
هـذا كـلامٍ يمـت النـون مقصـود
وكـلٍ علـى ماقيـل يتبـع مزاجـه
((,>مما راق لي<,)) | |
|
*المديرالعام* Admin
عدد المساهمات : 304 تاريخ التسجيل : 10/12/2009
| موضوع: رد: تلعب على الحبلين الأحد يناير 17, 2010 1:25 pm | |
| والا الردي بيـن الرياجيـل مجحـود
لـو زان هرجـه خابرينـه دجاجـه
اللاش ولد اللاش لـو شـال بـارود
لاجاء اللقـاء قـام يتزايـد خجاجـه
وان جيت بيته دايم البـاب مـردود
يعنـي حياتـه كلبـوهـا سمـاجـه الله عيك ياشهاب من وين القصيده ماشاء الله (سمان الهرج) بيض الله وجهك | |
|
al-wafe رفاعي مميز
عدد المساهمات : 54 تاريخ التسجيل : 07/01/2010
| موضوع: رد: تلعب على الحبلين السبت يناير 30, 2010 4:47 pm | |
| أشكــــــــــــــــــــــرك وأهنيـــــــــــــــــــــك
علـــــــــــــى هذا الطرح:
صح لسااان صاحب القصيده
Al-wafeالــــــــــــوافي
رجــال إذا سمعوا النداء اجمعوا لبيه *** تطيح الغتروالروس ويبقى العلم ماطـاح | |
|