الشاعر / هملان بن صالح بن سعيد بن خموس الرفاعي

قصيده للشاعر/ هملان بن خموس يتحدث فيها عن الديار وحياة الباديه ويتطرق في القصيده عن الشباب ويسدي اليهم النصح اترككم مع القصيده
يقول فيها :

الأولــــــه بطلبك ياخير الأبـــرار*** يامــــــعطي الأرزاق رب العبادي
بـــطلبك بالجنه وأعوذ بك من النار*** فـــي جنة الفردوس غاية مرادي
سجلت لي من جيد الشعر مــدرار *** مــثل العسل يشفي عليل الفؤادي
والا حليب إلي رعت عشب الأقفار *** يـــــازينها لما جذبها المنــــادي
جرد الرقاب الخلف والخفت وأبكار *** تتبع فحلها في نهار الــــهدادي
أخذت لي في ديرة البدو مـــــشوار *** العشب فيها والهواءوالبــــــرادي
متنوع النبته على كل الأثـــــــمار *** وريحه كما العنبر وطيب الزبادي
ديرة هل الضيفان شبــــابة النــار *** لا جا نهارفيه قدح الزنـــــــــادي
أقولها بالصــــدق ماني بغـــــدار *** وأنشد هل التاريخ لو كنت غادي
أصاحب الطيب ولا اريد الاشرار *** ماريدهم ياجعلهم بالخــــــمادي
محاربه للدين في الســــر وجهار *** والانصحــــته باشرك بالعنادي
مشهور بالتفحيط وأزعاج للــــجار *** والوجه مضلم كن وسطه رمادي
يلعب على الطـــبله مع دق مزمــار *** واخبارهم قد سجلــــت بالروادي
يجعل نــــهاره نوم وباليل سهـــار *** وليــــــــــا دعيته مايجيب المنادي
يهتم بالمظهر وبالفكـــــر محتــار *** والثوب يكنســــبه رصيف البلادي
وإذا سألته قال في الهرج بيطـــــار *** وأن طالـــــت الا صابه شرادي
لاياشباب اليوم حذري من العــــار *** وحذري جليس السوء وأهل الفسادي
نصيحتي لك قبل ماتضيع الافكـــار *** وتلعبك الفســــــــاق في كل وادي
لاتصاحب إلا كــل فارس وصبـــار *** رجـــــل عزيز النفس خصم المعادي
وصلاة ربي عد همـــــال الأمطار *** على الرســـول إلي شفيع العبادي


وسلامتكم ____________


وتحياتي لكم / al-wafe

وانتظر الرد وشكراااااااااااا

صح لسانك يابو ضاوي والله شاعر الله يعطيك الصحة ويبارك في اللي نزل هذه القصيده والحين طلعت فائدة المنتدى
وبكذا نصل للهدف المنشود والغرض المأمول من اظهار شعار رفاعة واشهارهم على الملاْء
شــــــــــــــكراً

***بيض الله وجهك يابو ضاوي والله يطول في عمرك***

تسلم ياوالدي العزيز عسى الله يطول بعمرك ويخليك ويحفظك ويمتعك بالصحة والعافية وننتظر جديدك ولاتنسى الله يرضا عليك خف على الشباب شوي

الله يحفظك


يابو ضاوي


وجعلك ذخر


قصيدة تحمل التجربه






الصادقه




للاجيال اللاحقة



فشكراااااااااااااااااا

لمن نقلها ومن قالها

اطااال الله في عمره قصيده رااااااااااااااااااائعه

الله ييطيك العافيه يبو ضاوي

صح لسانك

نبغى الجديد

مساكم الله بالخير جميعا
يسرني ان تكون اول مشاركتي في المنتدى هو الردود على موضوع القصيدة
اشكر شاعرنا الغالي وسوف ازودكم قريبا انشاء الله باخر قصيدة كتبها العم الغالي
التي لم يتجاوز عمرها 3 شهور والتي لم يعلم معظم الاعضاء عنها شي




تقبلوا تحياتي ( ابو شهد )

صح لسان ابو خالد واطال الله في عمره

ولاهنت على النقل

اخوووووووووك

صح لسان الشاعرواشكرالناقل قصيدة ممتازة

يستاهل الأمداح راع المدايح

الف شكر ياصقر