البارحة والنوم ماحل في العين
وانا على كوعي مهوجس وسهران
اخيل لي برق(ن)سرى في الدجى لين
زاد اشتعاله في مقاديم الامزان
نوء(ن) تحراه البدو قد لها سنين
ترزم نصوبه والرعد فيه حنان
انشا وصكت العوالي من يمين
واقفى وانا اخيله مولع وشفقان
جعله على دار الربوع العزيزين
يسقك ياذيك المرابي والاوطان
يرخي هماليله من اثنين لااثنين
همال ماينكف مرهي وودان
تخلع مزونه ويروي المحيمين
وترتع فثر سيله مواشي وذيدان
يسقي ديار مرجحين الموازين
ربعي حزامي يوم زوغات الاذهان
سعد الرفيق اللي شكى الهم والدين
وعوق الخصوم بكل ساحة وميدان
حلالة المشكل وسقم المعادين
عراف وان ركبوا على الخيل فرسان
لاثوعت عج الرمك في الميادين
يردونها لين يهجد كل شيطان
يردون حوض الموت عجلا وفي حين
وحرابهم يبرك من الذل ويهان
لاثارت الهيجاء وقاموا سلاطين
ومزبان للجاني ومقطاع حقان
غامد لباسي حزة العسر واللين
حماية الموقف مقدية الاضعان
حدودهم ترسي من يسار ويمين
من دونها البلجيك والسيف شامان
من الجنوب على بحرها مرسين
وسبيع واكلب شرق وبلد شمران
وارسوا لها من يمة الشام حدين
حد(ن) مع الاد ال شالي له ازمان
وحد(ن) مع دعوى البقوم له حامين
من غازي ونازي وحنشل وعدوان
ومن غرب راسية(ن) حدود(ن) ومرسين
حد(ن) مرسينه مع حدود زهران
حلوا بها غامد بعصر النبيين
ومن ذاك لاهذا لها عزة وشان
وغامد لو احسبهم جموع(ن)غفيرين
تعبت تفاكيري وسمعي والاعيان
سموهم الهيلا كثار ومهيلين
جموعهم تكسي شدا وضلع عيسان
يجمعم اسم الغامدي في العناوين
رحالة وتهم(ن) وحضر(ن) وبدوان
فيهم بني طلق العصاة المقاوين
اللي لصفحات التواريخ عنوان
دعوى رفاعة اهل فعول ببراهين
لاصبحوا من فوق طوعات الارسان
كم راس شيخ(ن) راح منهم قطاعين
وكم جندلوا في الحرب اكابر وشيخان
وابن جمل شيخ(ن) لهم له مطيعين
شيخ(ن) وله شيخة لها اصل(ن) وسيسان
لاصعبت الحملات من وين لاوين
ماينتقلها الا غوارب بليهان
انشد عنه لو من ورى الهند والصين
ويشيع صيته من ورى سبع الاوطان
وعن داعي الزهران نعم(ن) ونعمين
توقد على الحراب شهب(ن) ونيران
جموع حرب(ن) للمصيح ملبين
وبلجيكهم يثبت بحبة ونيشان
ودعوى حمارس للمعالي سريعين
للمعتدي سقم(ن) وللضيف صفطان
ودعى العبيدي هل رماح(ن) مجلين
يوم الخطر وديارهم ستر وامان
ودعوى ال حلة هل سيوف وبريعين
وحلة وضيف وكيف ودلال رسلان
ذولا بني طلق الرجال الموالين
للحق والاسلام واحكام الايمان
وبني كبير اهل الفعول العظيمين
تاريخهم تدري به الانس والجان
اهل الفعول الصاملين المهيبين
اهل الشبا القطاع وطوال الايمان
وباقي قبايلنا على العز ماشين
وفعولهم بانت كما قمة ابيان
وماقل دل وتالي الهرج بيتين
اختم بها تالي القوافي والاوزان
الاولة عاشت بلاد الحرمين
في ظل ابو متعب وفي ظل سلطان
والثانية كل القبايل رفيعين
بالطيب والنوماس والعز واشان
وختامها على نبينا مصلين
وعداد ماهلت هماليل االامزان
وسااااااااااااااالمين.
| 
الإثنين يونيو 21, 2010 7:44 am من طرف 
موضوع: غامد الهيلا 
