اهداء من ابو عبد الله الى ابو سعيد

هذه القصيدة للشاعر هملان بن ذويخ اهداء لمرزوق بن محمد لما بينهم من معزة وجوار قديم ومعاريف تملك الرجال جمعنا الله وياهم على الطاعة

اتمثل واقول من العلوم الفرايد===وانتقي من تماثيلي بيوت جزال
انظم خيارها نظم الذهب في القلايد=== مايريح ضميري غير زين المقال
واشكر اهل الهدايا واشكر اهل القصايد===لهم مني جزيل الشكر في كل حال
وافتخر بالرجال اهل الكرم والعوايد===ماتزول الطبايع لو تزول الجبال
الطبوع الجميلة راس مال وفوايد===كل ناس تقول ونعم لا جا مجال
بو سعيد ان مدحته من ورى المدح زايد===والله إنا نعده من خيار الرجال
إلك يشهد قريب الناس واللي محايد===ولك ميزة فريدة ياكريم السبال
ولك عندي جميل في الليالي الشدايد===لو برد الجزا عني بعيد المنال
فالك البيض مني ياوسيع البنايد===دايم أنشر من البيضا ثياب طوال
عد ما خطت الأقلام وسط الجرايد===وعد ماذعذع الغربي جنوب وشمال

.

صح لسانك يابو عبدالله
وبيض الله وجهك
وأبو سعيد يستاهل قرم من قروم
وشكراً ابو عبدالعزيز على نقل القصيدة

درر شعرية من شاعر كبير وليس مستغرب الطيب من أهل الطيب وشكراً يا بوعبدالعزيز على النقل وحاولت الرد بالنيابة عن ابو سعيد على ابو عبدالله ولي الشرف أن أرد على شاعر كبير بقامة أبو عبدالله

البيوت الجزال النادرات الشرايد::::صادها من يفيد المدح وافي الخصال

مثل هملان شيخ الشعر للشعر رايد::ما يورد على الجمه قصار الحبال

كيّف المنتدى بأبيات درٍ جدايد:::ويقعد الرأس كيف مبهرات الدلال

وساقها للنشامى من وصل كل نايد:::شامخٍ في دروب العز قرم العيال

نفتخر فيك يا شيخ للأمجاد شايد:::والله إنك لكسب الطيب مضرب مثال

عزوةٍ في نهارٍ فيه بايد وفايد:::ترتوي من فعايلهم رهاف السلال

عند ربعك مقدم وعند كل البدايد:::ولا يشيل الحمول الا ظهور الجمال

بالنيابة عن اللي له فعولٍ وكايد:::راسيٍ مثل ما ترسي الجبال الثقال

الكريم الحشيم اللي للأمداح سايد::والله إنك لنا مكسب ولي رأس مال

قلتها من هجوسٍ شامخاتٍ نوايد::وارتوت من قراحٍ جم صافٍ زلال

عزوةٍ في نهارٍ فيه بايد وفايد:::ترتوي من فعايلهم رهاف السلال

عند ربعك مقدم وعند كل البدايد:::ولا يشيل الحمول الا ظهور الجمال

بالنيابة عن اللي له فعولٍ وكايد:::راسيٍ مثل ما ترسي الجبال الثقال

الكريم الحشيم اللي للأمداح سايد::والله إنك لنا مكسب ولي رأس مال

______________________________________________________

الجبــــــال الشوامـــــخ عاليـات نوايد×××××××هـــي ذرا مــن تذرى مايجيه الهيال

والحصون المنيعة مثل سيف وقا يد×××××××يشتكـــي من طعونه مكثرين الجدال

بيض الله وجهك يالعالي اسم على مسمى وفي المهمات الصعبه حضورك يجمل

وفيت ولاجفيت أبيات وافيه من وافي وهذا غير مستغرب من مثلك وشرواك

وتقبل فائق تحياتي

مشكورين على ماقدمتموة وننتظرالمزيد

صح لسانك يابو عبدالله على هذي الجواهر اللي زينت المنتدى ويازين ايامكم انت وابو سعيد الله يطول في أعماركم كانت خوة

بما تعنيها الكلمة ومشكووور على كل حرف صغته

ومشكور الشاعر الغالي علينا صاحب المواقف المشرفة علي بن نايف اللي نزل مثل هذه الأبيات في المنتدى وهذا الشبل من ذاك

الأسد

ومشكور يالعالي على ردك المشرف

ومشكوور يالمبدع اللي دائم مبدع

المبدع شكراً على مرورك ووجهك أبيض ولا عليك زود
الصقر والخيال شكراً على المرور والمتابعة

بأسم ابو سعيد مرزوق بن محمد

نشكر ابيض الوجه هملان بن ذويخ اللي خوته ترفع الراس وان دل ذلك يدل على وفاكم و رفقكم الطيب
الله يعطيك الصحة و العافية و اعذرني عن التأخير في الرد بسبب اشغال الدنيا الله لا يشغلنا إلا في طاعته
لاني ما قريت القصيدة إلا اليوم
و اللي بيني و بينكم ما توفيه القصائد حقه
واشكر ولدي الشاعر على بن نايف اللي وصلها للمنتدى بيض الله وجهه و علومه تنومس
و اشكر ولدي العالي (( محمد بن مرزوق بن معيض ابو مهند )) على الرد بالنيابه عني
واشكر المبدع على كلامه الجزل

و ببيض الله وجيهكم

Evil or Very Mad

» قصيدة في الشيخ الغالي سعيد بن سعيد الله يعطيه الصحة
» اهداء من ام سعيد
» موقع رسول الله (صلى الله عليه وسلم)
» قال رسول الله صلى الله عليه وسلم ( بلغوا عني ولو آية )
» الشاعر / هملان بن صالح بن سعيد بن خموس الرفاعي